თეგეტა ჰოლდინგი ზრუნვის მასშტაბურ კამპანიას ახორციელებს, რომლის მიზანიც საზოგადოებისთვის სასიკეთო ცვლილებების გარშემო რაც შეიძლება მეტი ადამიანის გაერთიანებაა. სწორედ ამ იდეით შეიქმნა პლატფორმა https://tegeta.care/

ვებგვერდი იმ ორგანიზაციებსა თუ პროექტებს აერთიანებს, რომლებიც მწვავე პრობლემების მოგვარებაზე ზრუნავენ. პლატფორმის მეშვეობით, თეგეტა ნებისმიერ მსურველს აძლევს საშუალებას თავადაც შეიტანოს წვლილი იმ ადამიანების ცხოვრების გაუმჯობესებაში, ვისაც ეს ყველაზე მეტად სჭირდება. დონაცია მარტივია და სულ ოთხი ველის შევსებას საჭიროებს. საიტზე განთავსებული ორგანიზაციების ჩამონათვალი სულ უფრო იზრდება და სია მუდმივად განახლებადია.

,,იზრუნე საგზაო მოძრაობის კულტურაზე" თეგეტას მასშტაბური კამპანიაა, რომელიც საგზაო მოძრაობის კულტურაზე ცნობიერების გაზრდას ისახავს მიზნად. მრავალფეროვანი აქტივობებით, კომპანიამ კიდევ ერთხელ შეახსენა საზოგადოებას, რომ გადაადგილებისას წესების დაცვა და ამ გზით ერთმანეთზე ზრუნვა აუცილებელია. კამპანიის ფარგლებში დამზადდა უჩვეულო საგზაო ნიშნები, რომლებიც როგორც მძღოლების, ისე ქვეითების მანკიერ ქმედებებს წარმოაჩენს და ერთი მხრივ, კონკრეტულ პრობლემებზე საზოგადოების ინფორმირებისა და ცნობიერების ამაღლების ფუნქციას ასრულებს, მეორე მხრივ კი, მოქალაქეებს ქცევის ცვლილებისკენ უბიძგებს. ასევე, კამპანიაში სხვადასხვა ფორმით ჩაერთნენ საზოგადოებისათვის ცნობილი სახეები არა ერთი სფეროდან. ვიდეორგოლებით თუ პირადი წერილებით და სოციალური ქსელების მეშვეობით, მათ კიდევ ერთხელ შეახსენეს გარშემომყოფებს, რომ საგზაო მოძრაობის დაცვა აუცილებელია.

თეგეტა აკადემია არის ავტორიზებული კოლეჯი და მულტიფუნქციური ტრენინგ-ცენტრი, რომელიც 2013 წლიდან აქტიურად ეწევა საგანმანათლებლო და საკონსულტაციო საქმიანობას ტექნიკური და ბიზნეს მიმართულებებით.

თეგეტა აკადემიის მთავარი მიზანია კომპანიებს სერვისების გაუმჯობესებაში თანამშრომლების პროფესიული განვითარების ხელშეწყობაში, ახალი ცოდნისა და საერთაშორისო გამოცდილების გაზიარებაში დაეხმაროს. ამ დროისთვის თეგეტა აკადემიის მიერ მიღწეული შედეგები ასე გამოიყურება:

• 60-მდე აქტიური ტრენინგ მოდული

• 3 ავტორიზებული პროგრამა

• 900-ზე მეტი ჩატარებული ტრენინგი

• 25 000-მდე ჩატარებული სატრენინგო საათი

• 11 000-მდე მონაწილე

• ჩატარებული ტრენინგებით კმაყოფილების მაჩვენებელი - 97%

CSR სტრატეგიის დოკუმენტი

კომპანია 2023 წელს ახალი პროექტებით და ახალი CSR სტრატეგიით იწყებს.

თეგეტა ჰოლდინგი პირველი კერძო კომპანიაა ქართულ ბაზარზე, რომელსაც საერთაშორისო სტანდარტებს მორგებული და დეტალურად გაწერილი CSR სტრატეგია აქვს.

ვრცელ დოკუმენტზე მუშაობა რამდენიმე თვის განმავლობაში მიმდინარეობდა. პრიორიტეტული მიმართულებები კვლევის საფუძველზე განისაზღვრა. კომპანიამ დასახა მიზნები და ამოცანები თანამშრომელთა კეთილდღეობის, გარემოსდაცვითი პასუხისმგებლობის და უსაფრთხოების მიმართულებით.

„თეგეტა ჰოლდინგი“, როგორც პასუხისმგებლიანი კომპანია, აქტიურად ზრუნავს ორგანიზაციაში თანასწორი ორგანიზაციული კულტურის დამკვიდრებაზე. „თეგეტა“ პირველია ქართულ ბიზნეს სექტორში, რომელმაც საერთაშორისო პროექტი ,,მამაკაცური საუბრები“ ჩაატარა. კომპანიაში დასაქმების პოლიტიკის მიმართულებით ზრუნვის კომპონენტი კიდევ უფრო ძლიერდება და მიმდინარე წელს ახალი პროექტები იგეგმება ,,გაეროს მოსახლეობის ფონდთან“ ერთად.

კომპანიაში მიაჩნიათ, რომ კომპლექსური და სისტემური მიდგომა არა ცალკეული თანამშრომლების, არამედ მთელი გუნდის ცნობიერების ამაღლებაზე დადებით გავლენას მოახდენს, რაც თავის მხრივ დასაქმებულთა პროდუქტიულობას გაზრდის.

რაჭის მაღალმთიან სოფლებში მცხოვრები ბავშვები ახლა ალბათ ,,ბეჭდების მბრძანებელს“ ან ,,ტომ სოიერის თავგადასავალს“ კითხულობენ. რაჭა საქართველოს რეგიონებიდან ერთ-ერთია, სადაც ,,თეგეტამ“ ორგანიზაცია ,,მთიელ წიგნებთან“ ერთად ლიტერატურული ნაწარმოებები ჩაიტანა. ლაშქრობა რაჭაში მხოლოდ დაიწყო და ქვეყნის მასშტაბით გრძელდება, მალე კიდევ უფრო მასშტაბურ სახეს მიიღებს, დედაქალაქიდან გაგზავნილი წიგნები სხვადასხვა სოფლის ბიბლიოთეკების თაროებს შეავსებს და იქ მცხოვრები ბავშვების ყოველდღიურ ცხოვრებას გაამრავალფეროვნებს.

ბორბლებზე შემომდგარი ბიბლიოთეკა საქართველოს რეგიონებში განათლების ხელშეწყობისთვის მოგზაურობს და სხვადასხვა რეგიონში მრავალფეროვანი ლიტერატურა ჩააქვს. პროექტი, რომელსაც თეგეტა "ნეტგაზეთთან" და იაპონიის საელჩოსთან თანამშრომლობით ახორციელებს, ორი წლის წინ დაიწყო და დღესაც გძელდება. მთავარი, მულტიფუნქციური ტრანსპორტი Tegeta Truck&Bus-ის და გერმანელი პარტნიორების თანამშრომლობით „მოგზაურ ბიბლიოთეკად“ იქცა. ფერად სატვირთოს კონკრეტული მარშრუტი აქვს: აჭარა და მისი მაღალმთიანი რეგიონები. წიგნებთან ერთად, ბიბლიოთეკას მწერლებიც დაჰყვებიან და ახალგაზრდებთან საინტერესო შეხვედრა-დისკუსიებს მართავენ. ფერადი სატვირთო ახლაც მოგზაურობს, ახალ წიგნებს ,,თეგეტას“ თანამშრომლებთან ერთად აგროვებს და მოზარდებთან სოფლებში ჩააქვს.

ქართული ავტოინდუსტრიის ლიდერი, რომელიც ქვეყნის ბიუჯეტში ყველაზე მსხვილი გადამხდელია, კორპორაციული სოციალური პასუხისმგებლობის ფარგლებში, სოციალურ მეწარმეების საქმიანობის განვითარებას უწყობს ხელს. „თეგეტა ჰოლდინგსა“ და „სოციალურ საწარმოთა ალიანსის“ პარტნიორობის ფარგლებში განხორციელებული პრო ბონო პროექტის შედეგად, 50-მდე სოციალურმა მეწარმემ უკვე გაიარა სოციალური მედიის მენეჯმენტისა და საზოგადოებასთან ურთიერთობის ექსპრეს კურსები და მათ მიიღეს ინფორმაცია და ცოდნა თავიანთი საწარმოების კიდევ უფრო გასაზრდელად და განსავითარებლად. კომპანია დღეს უკვე პრო ბონო ქსელის წევრია. ამ თანამშრომლობის ფარგლებში თეგეტა საზოგადოებისათვის სასიკეთო კიდევ უფრო მეტ პროექტში ჩართვას გეგმავს.

ზამთარში "თეგეტამ" „Animal Project”-თან თანამშრომლობით 300-მდე ქუჩის კატას ჯანმრთელობისათვის აუცილებელი პროცედურები ჩაუტარა და ქუჩის ცხოველებთან დაკავშირებული ცნობიერების გასაზრდელად კამპანია ,,კატებზე ზრუნვის ზამთარი“ წამოიწყო. გახურებულ ძრავასა და საბურავებში გასათბობად დამალული კატების გადასარჩენად, თეგეტამ მარტივი რჩევები შეაგროვა, საინფორმაციო ბუკლეტებზე დაბეჭდა და მათ გავრცელებაში "თეგეტას" ყველა სერვის ცენტრი ჩართო მთელი საქართველოს მასშტაბით. ბუკლეტები სრულად დარიგდა და ინფორმაციაც უამრავ ადამიანთან მივიდა. ასევე, ჰოლდინგის ინიციატივით, მიუსაფარი ცხოველებისათვის დედაქალაქში 20-მდე სახლი დაიდგა. პროექტი წელს კიდევ უფრო მასშტაბურ სახეს მიიღებს - პროცესში სკოლის მოსწავლეებიც ჩაერთვებიან და შინაურ ცხოველებზე ზრუნვის შესახებ ყველა საჭირო ინფორმაციას მიიღებენ.